អំពីយើង (About Us)

   គ្រឹះស្ថានមីក្រូហិរញ្ញវត្ថុ​កំពុងមានតួនា​ទីយ៉ាង​សំ​ខាន់​​ដើម្បីរួម​ចំណែក​អភិវឌ្ឍ​សេដ្ឋកិច្ចជាតិ នា​ពេល​​បច្ចប្បន្ន​​នេះ។ ថ្វីត្បិត​តែគ្រឹះស្ថាន​មី​​ក្រូ​ហិ​រញ្ញវត្ថុ មានច្រើន​ហើយក្តី ក៏ការ​ផ្គត់ផ្គង់​មិន​ទាន់​បាន​គ្រប់គ្រាន់តាម​តម្រូវ​ការ​​ទីផ្សារដែរ។ បច្ចប្បន្ន​នេះ​គ្រឹះ​ស្ថាន​​មី​ក្រូ​​ហិ​រញ្ញ​វត្ថុ​​បាន​នឹង​​កំ​​ពុង​​​​​កើត​​ឡើង​​​ជា​បន្ត​​ប​ន្ទាប់​​ដើម្បី​​​បំ​ពេញ​​​តាម​តម្រូវ​​ការ​ទី​ផ្សារ។ ដោយមើល​ឃើញពី​តម្រូវការ​ទីផ្សារផង រួម​ចំ​ណែក​​អភិវឌ្ឍ​​សេដ្ឋកិច្ច​ជាតិ​ផង និង​ដើម្បី​​អភិវឌ្ឍ​​សេដ្ឋ​កិច្ច​​គ្រួ​សារ​ផ្ទាល់​ខ្លួន​​ផង​​ដែរ​​​នោះ ការ​ផ្តួច​ផ្តើម​​គំ​និត​​ពី​ភាគ​​ទុ​និក​មួយ​​ក្រុម​បាន​រួម​​គ្នា​បង្កើត​​ក្រុមហ៊ុន គ្រឹះ​ស្ថាន​មី​ក្រូ​ហិរ​ញ្ញ​វត្ថុ បាយ័ន ក្រេឌីត លី​មី​ធីត នេះឡើង។ គ្រឹះ​ស្ថាន​មី​ក្រូ​ហិរញ្ញ​វត្ថុ បាយ័ន ក្រេឌីត លី​មី​ធីត ត្រូវ​បាន​​បង្កើត​ឡើង​​នៅ​ក្នុង​ឆ្នាំ​២០១១ ក្នុង​គោល​​ដៅ​ចូល​រួម​​ចំ​ណែក​​អភិវឌ្ឍ​​សេដ្ឋកិច្ច ជាតិ​ឲ្យ​មាន​​ភាព​កាន់​តែ​ប្រសើរ​ឡើង។ គ្រឹះ​ស្ថាន​នេះ បាន​ចុះ​​បញ្ជី​នៅ​ក្រសួង​​ពាណិជ្ជ​កម្ម​​នៅ​ថ្ងៃ​ទី២១ ខែកក្កដា ឆ្នាំ២០១១ ហើយបាន​​ទទួល​អា​ជ្ញាប័ណ្ណ​​ពី​ធនាគារ​ជាតិ​​នៃ​កម្ពុជា​​នៅ​ថ្ងៃ​ទី​២១ ខែ​វិច្ឆិកា ឆ្នាំ ២០១១។ តាម​រយៈ​​នៃ​ការ​បង្កើត គ្រឹះ​ស្ថាន​មី​ក្រូ​ហិរញ្ញ​វត្ថុ បាយ័ន ក្រេឌីត លី​មី​ធីត គ្រឹះ​ស្ថាន​​បាន​ផ្តល់​​ការ​ងារ​ឲ្យ​និ​យោ​ជិត​មួយ​ចំនួន​​បាន​ចូល​បម្រើ​ការ​ងារ​​ក្នុង​ក្រប​ខណ្ឌ​​ដែល​ទទួល​បាន​​ប្រាក់​បៀ​វត្សរ៍​​យ៉ាង​សមរម្យ និង​បាន​​ផ្តល់​​ឥណ​ទាន​​ដល់​ប្រជាជន កសិករ អាជីវករ និង​សហគ្រិន​រស់​នៅ​​តាម​សហគមន៍ ទី​ជនបទ ទី​ប្រ​ជុំ​ជន ខេត្ត-ក្រុង និង​ព្រម​ទាំង​​បាន​ផ្តល់​ឲ្យ​ខ្ចី ចំ​ពោះ​​និ​យោ​ជិត​​ធ្វើ​ការ​តាម​​ស្ថា​ប័ន​នានា​​ផង​ដែ​រ​តាម​តម្រូវ​​ការ​ចាំ​បាច់​​របស់​គាត់។ ដើម្បី​ពង្រីក​ទីផ្សារ​ឲ្យស្រប​តាមតម្រូវការ​បច្ចុប្បន្ន​​នៃ​ការ​ប្រើ​ប្រាស់​​សេ​វា​ភតិ​សន្យា​​ហិរ​ញ្ញវត្ថុ គ្រឹះ​ស្ថាន​មី​ក្រូ​ហិ​រញ្ញ​វត្ថុ បាយ័ន ក្រេឌីត លីមីធីត បាន​ស្នើ​សុំ​​ការ​អនុញ្ញាត​​ធ្វើ​ប្រតិ​បត្តិ​ការ​​សេ​វា “ភតិ​សន្យា​​ហិរញ្ញវត្ថុ” ហើយ​ក៏​ទទួល​​បាន​ការ​អនុញ្ញាត​​ឲ្យ​ធ្វើ​ប្រតិ​បត្តិ​ការ​​សេ​វា​កម្មនេះ ពី​ធ​នា​គារ​ជាតិ​នៃ​កម្ពុជា នៅថ្ងៃទី ៣១ ខែ មីនា ឆ្នាំ ២០១៧។ នៅ​រយៈ​កាល​​ចុង​ក្រោយ​នេះ គ្រឹះ​ស្ថាន​​ក៏​បាន​បង្កើត​នូវ​​ផលិត​ផល​ឥណ​ទាន​​ថ្មី​មួយ​ទៀត គឺ​ឥណ​ទាន​ងាយ​ស្រួល សម្រាប់​ផ្តល់​ជូន​​អតិថិជន​​ដែល​មាន​​តម្រូវ​ការ​សាច់​ប្រាក់​​ឆាប់​រហ័ស ក្នុង​ការ​ចំ​ណាយ​​មុន​ពេល​​បើក​ប្រាក់​ខែ។ ឥណទាន​ងាយ​ស្រួល មិន​តម្រូវ​ឲ្យអតិថិ​ជន​​មាន​ទ្រព្យ​ដាក់​ធា​នា មិន​ចាំ​បាច់​​មាន​អ្នក​​ចូលរួ​ម​ខ្ចី ទទួល​បាន​​សាច់​ប្រាក់​​ឆាប់​រហ័ស រក្សា​ការ​សម្ងាត់​​សម្រាប់​​អតិថិជន ឯក​សារ​​មិន​ស្មុគ​ស្មាញ និង​មាន​​លក្ខ​ខណ្ឌ​​ពិ​សេស​​ផ្សេងៗ​ទៀត។

ទស្សនៈ

រួម​ចំ​ណែក​លើក​កំ​ពស់​កម្រិត​ជី​វភាព​រស់​នៅ​របស់​ប្រ​ជា​ជន និ​យោ​ជិត ឲ្យ​មាន​ភាព​កាន់​តែ​ប្រ​សើរ​ឡើង ជា​លំ​ដាប់​តាម​រយៈ​ការ​ផ្ត​ល់​សេ​វា ឥណទាន។

បេសកកម្ម

ផ្តល់​សេវា​ឥណទាន​ជូន​ដល់​ប្រជាជន សហគ្រិន​ដែល​រស់​នៅ​តាម​សហគមន៍ ទី​ជ​ន​បទ ទី​ប្រ​ជុំ​ជន ខេត្ត-ក្រុង និង​និយោ​ជិត​ធ្វើ​ការ​តាម ស្ថាប័ន​នានា ប្រ​កប​ដោយ​និរន្ត​ភាព។